Zakka (已結業)

今日去左位于铜锣湾IKEA隔离的翡翠明珠广场食lunch，1楼的Festiva有好几间餐厅，最后拣左最尽头的Zakka试下。餐厅空间宽敞、服务都唔错，买完野食之后就会提供一个感应器俾客人放枱面，然后服务员就会将食物送到你面前。所以俾左钱就直接可以揾位座，唔洗再行黎行去。呢度的Lunch set 包前菜(沙律或餐汤)及餐饮。而我就叫左沙律同埋热奶茶（如要冻饮+$3）。照烧鸡腿汉堡配薯条（$78）好surprised！因为只鸡腿🍗仲大过我的手掌！切开只鸡腿会发现入面好juicy，最厚肉果个位都唔会硬。同埋最重要系佢无雪藏味，唔错！👍🏻 不过个汉堡包就一般般，加上底&面都无搽牛油，所以食落无咁香口。跟餐的沙律🥗落左都几多沙律酱，每一啖都食到，所以有少少heavy。而薯条好粗身、唔油腻，而且份量好多！一个女仔食一个餐，会食唔哂😅