蜜庵本膳 (已結業)

嚟到尖沙咀行街，揾下附近有咩黄店食。见到呢间啲甜品几吸引，就决定试下。8点去到，出面已经大排长龙，等左半个钟到就入得。 店内几大，日式既装修，有普通枱同高枱，全部都隔得好开，够哂安全。我地叫左一个和王牛汉堡丼同鲜果黑魔法pancake。首先嚟既系和王牛汉堡丼，厚厚既汉堡肉上面系只完美既半熟蛋，米系用红米，够哂健康。用刀将只半熟蛋切开，就流出满满既蛋汁，而整个饭既配搭味道都唔错。份量就比较少，净系食主食可能要一人一个先够饱。跟住嚟既就系鲜果黑魔法，6、7层厚既Pancake，上面搽满朱古力cream，侧边仲有啲士多啤梨做配料(最惊喜既系有白色既士多啤梨!)，卖相就好似朵花咁，相当唔错!食落Pancake同朱古力既味好夹，唔会太甜，啱啱好。朱古力CREAM好浓厚，一啲都唔腻。士多啤梨都唔错，特别系白色士多啤梨，好juicy好甜，食完令人回味无穷!