影片
更多
2015-01-29
3889 浏览
第一次番工出粮想感谢下父母，于是想揾间好啲ge餐厅食番餐，估唔到揾到间咁正 讲下环境先～地理位置劲方便，地铁站一出行过2步就到～ 另外有BB ge关系，好贴心咁安排左一间房比我地 而且间房隔音几好，出面明明十几人食紧饭，一啲声都听唔到～～ 我自己最爱啲炸鱼仔同糖衣栗子 屋企人话个酸梅凉瓜都好正，我未到半生就唔识欣赏呢啲半生瓜啦 其他仲有淆肉、青瓜同好特别ge柚子酱番石榴都好正 哗！呢个不得了，全晚三大亮点之一！身为广东人，汤就一定系由细饮到大！所以出街要揾啖好汤饮其实好难(除非你满足于味精汤 :ghost 讲番个汤，足料够火候就不在话下，师傅仲要好心机到一人一个紫砂壶咁上，外观吸引得黎，又可以保温，方便你慢慢饮，真系好正 只虾大只到晕左 配埋淡淡的香草味，真系食到lamlam脷 豪华并盘，有齐鲍鱼冬菇花胶鹅掌～师傅再神来一笔，脆炸牛蒡丝！炸到脆卜卜，点一点啲汁黎食， 亮点2号！(家燕姐mode)实在太好食啦！以后食唔番点算！ 系因为家父系鱼迷，所以特登拜托黄师傅整条蒸鱼～估唔到黄师傅帮我地买到条海ge黄皮老虎班！劲新鲜同劲
讲下环境先～
地理位置劲方便，地铁站一出行过2步就到～
另外有BB ge关系，好贴心咁安排左一间房比我地
而且间房隔音几好，出面明明十几人食紧饭，一啲声都听唔到～～
我自己最爱啲炸鱼仔同糖衣栗子 屋企人话个酸梅凉瓜都好正，我未到半生就唔识欣赏呢啲半生瓜啦
其他仲有淆肉、青瓜同好特别ge柚子酱番石榴都好正
哗！呢个不得了，全晚三大亮点之一！身为广东人，汤就一定系由细饮到大！所以出街要揾啖好汤饮其实好难(除非你满足于味精汤 :ghost 讲番个汤，足料够火候就不在话下，师傅仲要好心机到一人一个紫砂壶咁上，外观吸引得黎，又可以保温，方便你慢慢饮，真系好正
只虾大只到晕左 配埋淡淡的香草味，真系食到lamlam脷
豪华并盘，有齐鲍鱼冬菇花胶鹅掌～师傅再神来一笔，脆炸牛蒡丝！炸到脆卜卜，点一点啲汁黎食，
亮点2号！(家燕姐mode)实在太好食啦！以后食唔番点算！ 系因为家父系鱼迷，所以特登拜托黄师傅整条蒸鱼～估唔到黄师傅帮我地买到条海ge黄皮老虎班！劲新鲜同劲好味呀 十万个like
亮点3号！因为条鱼太好味，原先怕只蟹会被比下去，点知招牌菜真系无得输！蟹ge外面已经焗干身，将啲汁锁住晒系入面～黄师傅仲要拣左只巨型大肉蟹，净系个钳都已经半块面咁大
先头仲以为系会用啲玫瑰做调味，但系原来师傅系好好心机咁，用菜叶卷起黎作玫瑰～我觉得个名改埋红心白玫瑰就仲浪漫D
浓郁ge虾味未食已经传入个鼻到，真系配合晒「飘香」个名 即使去到尾声大家都仲系极速ko左个饭
咁啱呢排流感劲，屋企人几个都有少少咳，作为今餐ge结尾甜品，呢个糖水无得弹 最后埋单都只不过系600一位，聚点私房真系无得输！
位置：方便
价钱：超值
食物：净系计条老虎班，唔系夸张，系出面你有钱都未必食到！性价比极高！
最后想特别想赞赏服务方面～
首先，佢地会入黎房帮我地换骨碟 唔似有啲大酒楼，你入左房落左order就唔再理你，当你无到
另外，佢地仲分别送左一个星型ge闪光灯棒比BB；之后再加送一枝原子笔比我，祝我前程似锦～呢啲咁窝心ge服务，出面真系一间都揾唔到！
张贴
