劉興記生煎包專門店

营业中

休息中

喺上环揾地方食晚餐，心思思想食蟹黄，谂起曾经经过呢间小店，就行过嚟食。小店面积不大，嚟到嘅时候系满座，啱啱好有人走，我哋两人被安排坐喺吧枱。又想食生煎包又想食小笼包，不过惊食唔晒，见套餐包咗一个生煎包就叫咗另外加多份小笼包，同埋重头戏—蟹黄拌面。咁就试到晒想食嘅所有嘢。蟹黄份量好足，绝对系够捞晒成碗面食落好香蟹膏味，不过就油啲。 有少少蟹壳，不过都合理。要赞一赞个猪扒菜饭，猪扒炸得非常松脆，同埋好香猪味。生煎包跟餐系一粒我哋两份食，真系唔够喉，又脆又爆汁好好味。小笼包有普通同埋蟹粉嘅，价钱相差一倍我哋叫咗四粒普通试吓，质素就比较一般，味道麻麻。有豆浆任饮，超级浓厚，好饮有少少似以前麦当劳早餐有得饮嘅优品豆浆。