雅高·33

营业中

休息中

今日同朋友行荃湾，见到有间餐厅门口大大个牌写住有特价生蚝＄10只，见到咁吸引咁就行左入去食晚餐。入到去睇菜单，原来斧头扒先系佢哋招牌菜。之前喺讨论区睇到人哋食斧头扒一路都想试但系都冇乜机会，今日难得见到有得食，紧系要试紧下啦。同朋友两个人唔系好大食，叫咗四只生蚝同一份斧头扒再加多一个焗饭。最先到既系晚餐既餐汤同蒜蓉包，要左西汤，个汤同其他餐厅比系出奇地甜既，都几钟意饮，而蒜蓉包都正常好食。之后上菜既系生蚝，虽然＄10只，但比我想像中大只好多而且都几新鲜，仲有柠檬同生豪汁做佐料，特价黎讲系满意的。之后就到主菜斧头扒，叫左五成熟。肉眼斧头扒肉味浓郁，配上洋葱汁令斧头扒更加好食，所以配汁都好重要。至于啲肉口感唔错，仲要好大块两个人食啱啱好。不过切开黎都有一两旧比较韧，但整体黎讲系食得过既，下次有机会会试下三成熟，因为觉得五成熟都好似唔够生。最后到蓝青口海鲜饭青口，青口有4个好足料，有两只口感唔错但有两只就软林林咁，如果可以全部都好食就好。其余既海鲜有蚬、蟹柳，唔记得有无鱿鱼条，都好有味道，有焗既味道。而饭，好热辣辣，几干身，所以总括黎讲值得食。环境都可以，虽然地方唔算好大，但枱櫈都好多，基本