影片
更多
2020-05-04
394 浏览
呢日朋友嚟揾我食晏，所以去咗天悦𠮶边揾食，本身想食汉堡包，但排哂长龙，唯有即刻转场。五月都未到，但天气又热又晒☀️，见元朗冰室咁大应该有位啩，就入去了，懒得再揾。餐厅真系好大，但午市竟然都坐满哂人，犀利。不过阿姐(服务正正常常的)呢个时世仲问我哋搭枱得唔得😅，我哋心谂唔系呀嘛？就算我哋肯，对方都唔想啦！如果真系迫我哋要搭枱嘅话，我哋就走啰。最终我哋两个人坐四人卡位枱，成程都无被人打扰，加上点半过后人潮都少咗。餐牌食物选择超多，花多眼乱，普通茶记有嘅佢都有。而呢到最出名嘅系🐷厚猪扒，我之前都食过一次，算唔错。原来呢到仲有卖港式全日早餐同日式鳗鱼饭等，应该总有一款啱食。厚猪扒系列有成十款拣，早上11点后供应，即系全日都系呢个价，都算抵食👍，但午市应该平多几蚊嘛，哈哈。我要咗厚猪扒配辣肉酱饭($53)，首先只碟真系大到一个点，好夸张呢！呢碟饭有一块厚猪扒、一堆辣肉酱、少许蔬菜同白饭，成个感觉好鬼麻甩🙈。依餐嘅猪扒比我上次食厚，但就无咁大块，不过我觉得好味咗😋。因为上次肉质太松，疑似落咗大量松肉粉。今次猪扒松得来，啱啱好，加上够厚，食落满足啲。虽然话比起上次细，但其实都好大，非常够食。至于旁边嘅
呢日朋友嚟揾我食晏，所以去咗天悦𠮶边揾食，本身想食汉堡包，但排哂长龙，唯有即刻转场。五月都未到，但天气又热又晒☀️，见元朗冰室咁大应该有位啩，就入去了，懒得再揾。
餐厅真系好大，但午市竟然都坐满哂人，犀利。不过阿姐(服务正正常常的)呢个时世仲问我哋搭枱得唔得😅，我哋心谂唔系呀嘛？就算我哋肯，对方都唔想啦！如果真系迫我哋要搭枱嘅话，我哋就走啰。最终我哋两个人坐四人卡位枱，成程都无被人打扰，加上点半过后人潮都少咗。
餐牌食物选择超多，花多眼乱，普通茶记有嘅佢都有。而呢到最出名嘅系🐷厚猪扒，我之前都食过一次，算唔错。原来呢到仲有卖港式全日早餐同日式鳗鱼饭等，应该总有一款啱食。
厚猪扒系列有成十款拣，早上11点后供应，即系全日都系呢个价，都算抵食👍，但午市应该平多几蚊嘛，哈哈。
我要咗厚猪扒配辣肉酱饭($53)，首先只碟真系大到一个点，好夸张呢！呢碟饭有一块厚猪扒、一堆辣肉酱、少许蔬菜同白饭，成个感觉好鬼麻甩🙈。
依餐嘅猪扒比我上次食厚，但就无咁大块，不过我觉得好味咗😋。因为上次肉质太松，疑似落咗大量松肉粉。今次猪扒松得来，啱啱好，加上够厚，食落满足啲。虽然话比起上次细，但其实都好大，非常够食。至于旁边嘅辣肉酱，真系辣到一个点，我要比三只辣椒🌶️🌶🌶！就算捞埋饭食，都顶唔顺...，放弃咗。
朋友要咗焗意式厚猪扒意粉($58)，份量几多，卖相亦算吸引，因为好似有好多芝士咁，仲有菠萝；猪扒切件上，我就唔知有无我𠮶块咁大咁厚。我偷食咗一啖，🍝啲意粉偏淋，但都还可以，而且味道几浓蕃茄味。
猪扒餐奉送热饮，冻饮加$2，连红豆冰都系加$4，算系咁。不过我真系好憎饮红豆冰，所以无叫😂。本身嗌冻朱古力，但无，要咗冻阿华田。好彩我要咗冻饮，救我一命。
总括嚟讲，虽然食物唔称得上好食得好紧要或难忘，但味道都属中上水平啦。再者有大嚿肉食、份量多、又唔贵，简简单单又一餐😊。餐厅有分店，有机会都可以食下，而且下午2点就做下午茶，平均$3x有交易！题外话，餐厅冷气真系好鬼冻🥶，我哋都起晒鸡皮，夏天嚟食可能会好啲。
张贴
