詠藜園四川菜館 (已搬遷) 新店位置

咏藜园在黄大仙多年，地点不太就脚，在黄大仙消防局对面马路，但依然很多人慕名而来。点解，由于一直味道都颇好，是一家人常来的食店。一段时间无嚟，今次一如既往，而一家人都偏好冷菜、小食，期待可一饱口福。可惜今次光顾，发觉味道不对了。酥炸鳯尾鱼，应是制作过程中加入糖，令吃时脆得来又充满蜜汁，现只净酥脆的炸鱼而已。皮蛋拌豆腐，个酱油汁只得甜夹稀，水得很。油炆笋，睇图都见笋炆得唔均匀，而且啲笋似乎处理得唔好，仍有霉味。镇江肴肉，皮厚咗，啫喱状的汁液淡而无味。鸡丝粉皮，又是个汁唔对，无麻酱味，只是稀的甜酱汁，鸡丝硬实，粉皮厚而不爽。香脆海蜇，净得海蜇自己味道，水汪汪亦调味不足，连麻油香味都无乜。上海炒粗面，好大碟，但也是酱汁出问题，唔咸又无乜味，连上海面都好似变咗，比之前的粗硬咗。招牌担担面，面质还算可以，但个担担面汤底就淡晒，那种微微的花生香味都无埋，而且叫正常辣度的都唔辣。生煎包，皮厚肉少。过桥水饺，算是仍保持一定水准。最最可惜，连个前菜鱼皮花生都唔对味，只得死咸，无咗咸脆香，真是失望之极。