傷心酸辣粉 (裕景坊)

营业中

休息中

伤心酸辣粉推出同心抗疫外卖火锅套餐，价钱亲民，今次就食咗呢个烤鱼套餐。老坛酸菜烤鱼 $169成个套餐嘅主角就系条烤鱼，成条烤鱼既长度仲长过我两个手掌加埋，放满我成个火锅煲，份量十足。烤鱼十分出色，外皮烤到十分之脆，无烤㶶，肉质厚实，估唔到食鱼都可以啖啖肉咁食，完全唔腥，简直食过返寻味。汤底有好多酸菜，酸度还好，唔会话太酸，因为我唔食得辣所以嗌咗唔辣，如果嗌返少少辣应该会更加好味。成个餐会附有两人份量嘅火锅配料，有肠仔、蟹柳、花之丸、肥牛、薯粉、牛丸、云耳，另外包两包饮品。除左酸菜烤鱼，佢仲有麻辣鸡煲、胡椒猪肚鸡煲、香辣烤鱼可供选择，最平嘅套餐只需$99，晚餐谂唔到食咩，不妨考虑下火锅套餐。