Bigger Burger Cafe (已結業)

早排因为要帮妈咪喺裕华买少少嘢而出咗佐敦，任务完成就谂住简单喺澳牛整个常餐。咁啱见到对面有间新新哋食Burger，一于试一试新嘢。呢度装修格局好怀旧，MENU上有好多款嘅Burger㨂！另外仲有啲小食、饭/意粉类同饮品。我地分别叫咗柠檬蜜糖酸忌廉薯条，炸软壳蟹虾汉堡同埋牛肝菌意大利饭。柠檬蜜糖酸忌廉薯条 $36薯条热辣辣，而个蜜糖酸忌廉酱系另上既。呢个酱好好味，蜜糖同酸忌廉味道好夹，我啲拎埋黎点汉堡配既薯条，最后系一滴不漏咁比我哋点晒。.炸软壳蟹虾汉堡　$118因为朋友唔食牛，所以㨂咗呢一款汉堡。呢个汉堡份量好大，两个人SHARE食啱啱好。入面有鲜虾、菜、蕃茄同软壳蟹，一旁仲会配上好多薯条。汉堡包皮煎香咗，配上佢炸软壳蟹酸甜汁，口感都几清新，系女仔会喜欢既味道。牛肝菌意大利饭　$118好香既菇菌味，再加埋面头加咗少少香草碎，意大利饭本身质地好杰身，菇味爱好者可以试吓。