鮨政

营业中

休息中

生日都要OT，放工喺公司附近见到一间餐厅，网上有人话餐厅有日本师傅驻场，见到价钱都可以接受，就同老公去试下当简单庆祝。一放工唔好讲咁多，饮返两杯先，配埋碟即叫即炸嘅鸡软骨，同埋软壳蟹，脆卜卜好好味，饮多几啖啤酒，爽啊！玉子烧入边夹住明太子，少少辣辣地，特别开胃，蛋卷做得几滑，而且都几饱肚。最精彩就系呢一盘二人刺身饭，系一大盘份量真系好多，刺身切到一啖一口，唔会好细粒，厚切食入口好有口感，刺身全部都好新鲜，食得出好鲜甜，食完呢个饭真系觉得好满足，最后一提：餐厅真系有日本师傅，下次要试吓呢度嘅厨师发办先。