Bun Cha Vietnamese (滿發大廈)

营业中

休息中

大少呢一排比较钟意去坚尼地城，我哋今日去咗k-town食越南粉。呢一间越南粉，响中环都有分店。上次响中环食完冇写comment，今次特登嚟坚尼地城食多一次。中环个Menu系英文，坚尼地城嘅Menu系中文。仲有中环𠮶度冇set lunch，坚尼地城呢度系有包嘢饮。我哋叫咗生熟牛肉双拼河，同埋热柠蜜。碗越南河真系好大碗，我叫咗少粉都食唔晒。碗河粉当然有生熟牛肉，亦都有牛𦟌同牛腩，除咗呢啲，配菜仲有九层塔，洋葱，青葱粒同芽菜。我自己就比较喜欢个汤底唔系太咸。个汤加埋青柠汁，再加辣椒仔，简直一流。大少钟意食越南河粉时配越南辣椒酱是拉差，呢间铺头都有辣椒酱，但系唔系大少食开嘅是拉差，所以大少有少少扁嘴。同埋大少都有讲过啲牛腩有少少烟韧，咬唔开。碗河粉真系大大碗又多𩠌，大少都食唔晒碗粉。我个人认为呢间铺头比起中环果一间好多，唔迫夹，环境亦清静好多。