Poke Go (汕頭街)

营业中

休息中

上次食Poke Go已经系两年前，当时公司正正位于尖沙咀，一落楼下就系Poke Go。而家我已经转咗工，所以好耐冇食Poke Go，今日请咗小朋友去Poke Go嘅湾仔分店。餐厅装潢一如以往都系比较简约，不过湾仔分店多左啲得意既𤩹画，座位几宽敞，大约有20个座位。Signature bowl个个都色彩缤纷，令人食欲大增。- OHANA Base拣左寿司饭，其他选择有珍珠糙饭或沙律菜。三文鱼切得好大粒，而且好新鲜。粟米同樱桃番茄都好清甜，蜜糖芥末酱几开胃，不过略嫌太甜。- ONO一样都系三文鱼粒同寿司饭，但配材完全唔同：鸡蛋丝、蟹棒沙律同青瓜。酱汁都非常多，食到底都仲好有味道。- Hot Latte对比尖沙咀分店，Poke Go而家仲有提供咖啡，不过无拉花，味道麻麻。- Cold Pressed Orange Juice 冷压橙汁特别鲜甜，上面放左干果，职员提醒我地一定要食🤣Poke Go既signature bowl依然咁新鲜好味，依家Poke Go仲有推出happy hour，买一送一非常抵🤩