河內越式料理

营业中

休息中

河内越式粉面之前已经食过，味道唔差，大大碗够抵食，今日去开附近用咁啲消费券买野，之后就黎食lunch。哩度除左越式粉面，仲有法包、饭、沙律、米纸卷、野饮等等，全部几十蚊有交易。一坐低，侍应就送黎两杯龙眼水黎，冇错，佢唔系热茶，系龙眼水黎架，虽然唔似龙眼冰咁加左糖咁讨喜，不过龙眼味都好香，重点系唔洗钱呀～！！龙眼冰(跟餐加$12) - 龙眼冰好清甜，入面有超多龙眼，数过有十几粒，非常抵饮！热情果冰(跟餐加$12) - 热情果糖浆同梳打水系分开上，侍应会原罐梳打水上枱，所以倒左落杯实际其实有1.5杯，热情果冰酸酸甜甜好啱闷热天气饮。极品牛三宝汤河粉($69) - 汤河好大碗，入面有生牛肉、牛腱同牛丸各二，汤底系南越风味，颜色比较深，味道浓甜，但食完又唔会觉得口渴。河粉几薄几滑，粉量亦都多，细食嘅话一碗都够两个人食。牛肉上枱时仲系生嘅。牛腱好腍，牛肉虽然比较细粒，不过都好弹牙。会安鸡丝捞檬($58) - 鸡丝同檬粉份量都多，檬粉几滑几弹，加埋酸汁食好开胃。越式猪颈肉($29) - 猪颈肉烧得几靓仔，边位焦香中间仲好软嫩，蘸埋个酸甜酱食唔错。越式炸虾饼($29) - 虾饼几弹牙，炸皮唔会太硬。