月喬正宗越南湯粉 (柏樹街)

营业中

休息中

出开旺角行过见倒哩间越南粉面店价钱唔贵，见好耐冇食越南野就入去试下。虽然店仔细细，但佢地都系用QR Code落单，饭面都有好多选择，全部由$4x至$6x，加$2已经有埋热饮。招牌生牛肉汤河($56) - 哩度嘅粉面都比出面好多越南粉面铺大碗，平时食越南野都系唔太肚饿𠮶日先会食，但哩度嘅面量系真系食得饱人嘅。牛骨汤底几浓甜，牛肉量都正常，上枱时仲有少少红嘅，河粉都几薄几滑。鲜茄鱼饼蟹膏汤檬($56) - 鲜茄汤檬同样好大碗，入面有鱼饼同肉饼各两件，另外仲有一只虾，份量比生牛肉汤河更多。檬粉几弹，汤底因为加左鲜茄酸酸地几开胃。扎肉青木瓜沙律($42) - 青木瓜沙律都好大份，成座山咁高，食落少少辣，几清爽开胃。青柠梳打 & 椰汁红豆冰(跟餐加$9) - 青柠梳打甜度适中，梳打味唔会太重，好啱而家仲系热热地嘅天气。红豆冰椰汁味够重，红豆量都好多，红豆煲得够腍甜，饮完劲饱。总结，粉面都好大碗抵食，我特别钟意生牛肉汤河，价钱都系街坊价，仲要唔洗加一，几抵食。