阿四車仔麵 (已結業)

之前有friend提过呢间嘅车仔面足料又好味，由是就嚟试试佢。今次我嗌左腩肉、糖心蛋同猪红，幼面底。送到上嚟好有惊喜，腩肉系超大块，好厚身！唔系平时食开簿簿地几片，而且口感稔得嚟有啲咬口，唔会好削。而糖心蛋就正常发挥。至于猪红都好正，应该系用汤底煲嚟煮，入晒味，仲要好弹牙好新鲜，坚正！幼面嘅面身亦都煮到恰到好处，唔会太软或太硬。而汤底方面我拣咗腩汁同咖哩汁，同真嘅车仔面档一样可以沟汁，呢点非常好。另外我都嗌左个炸豆腐，唔油腻，外脆内软，价钱平份量又多。