影片
更多
2020-09-28
478 浏览
呢间分店位于大角咀大同新邨，喺奥运站出大约步行五分钟就到，地点非常方便。店铺装修新净，系一间新派嘅刀削面店。一坐底就见到枱面有一大樽腌萝卜，即刻就夹D黎试下。腌萝卜酸酸甜甜，令人非常开胃，作为前菜真系合适不过。东坡肉+牛𦟌 & 牛筋+牛𦟌温泉蛋黑木耳刀削面（$52+ 9一个𩠌 =$61）刀削面汤底好清甜，而温泉蛋同黑木耳同汤底都配合得好好。刀削面面质好弹牙，份量仲好足，啱哂中意食面嘅人士。东坡肉香而不腻，仲好有层次。牛𦟌晶莹剔透，口感爽口，牛味浓郁。而牛筋就软稔，入口即溶。三种配料同刀削面都好配合，令原本已经好味嘅刀削面锦上添花。花雕醉鸡（$48）我最推介就系花雕醉鸡，鸡肉嫩滑之余仲有浓浓酒香味。凉拌海蜇 （$40）麻辣味唔算太重，恰到好处，适合食开小辣人士。海蜇口感爽口弹牙，配以青瓜丝，系一款好适合夏天嘅小食。总括黎讲，我地觉得两款小食都非常唔错。（特饮）华田脆爆 （+$8）华田味浓，上面仲有好多华田脆脆，口感好得意新颖，仲好解渴，啱哂一路食一路饮。结论系餐厅性价比高可以再战！
呢间分店位于大角咀大同新邨，喺奥运站出大约步行五分钟就到，地点非常方便。店铺装修新净，系一间新派嘅刀削面店。
一坐底就见到枱面有一大樽腌萝卜，即刻就夹D黎试下。腌萝卜酸酸甜甜，令人非常开胃，作为前菜真系合适不过。
东坡肉+牛𦟌 & 牛筋+牛𦟌温泉蛋黑木耳刀削面
（$52+ 9一个𩠌 =$61）
刀削面汤底好清甜，而温泉蛋同黑木耳同汤底都配合得好好。刀削面面质好弹牙，份量仲好足，啱哂中意食面嘅人士。东坡肉香而不腻，仲好有层次。牛𦟌晶莹剔透，口感爽口，牛味浓郁。而牛筋就软稔，入口即溶。三种配料同刀削面都好配合，令原本已经好味嘅刀削面锦上添花。
花雕醉鸡（$48）
我最推介就系花雕醉鸡，鸡肉嫩滑之余仲有浓浓酒香味。
凉拌海蜇 （$40）
麻辣味唔算太重，恰到好处，适合食开小辣人士。海蜇口感爽口弹牙，配以青瓜丝，系一款好适合夏天嘅小食。总括黎讲，我地觉得两款小食都非常唔错。
（特饮）华田脆爆 （+$8）
华田味浓，上面仲有好多华田脆脆，口感好得意新颖，仲好解渴，啱哂一路食一路饮。
结论系餐厅性价比高可以再战！
张贴
