邁爵斯 (福華街)

营业中

休息中

印象中已经系第三次帮衬呢间餐厅，主要因为食物真系大件夹抵食。论服务，其实真系无乜。大部分员工态度感觉都唔系好热情，甚至可以话系冷漠，如果可以改善下会更好。当日观察所得，只有一位男店员（可能系老板？）对客态度睇得出系上心啲，其他女店员多数系唔出声。-卡邦尼亚意粉 $39卡邦尼亚酱汁几浓，稠糊程度颇高。意粉基本上都索晒酱汁，唔会有啲零舍干身咗。以份量咁多嘅意粉而言，做到呢点系几难得。配上大量烟肉，咸香得宜。-海苔芥末虾沙律牛角酥配薯角 $53芥末酱好开胃，配搭蛋沙律同弹牙虾肉味道颇夹。牛角酥依然烘得好酥脆，面包香口。淋上蜂蜜嘅薯角甜蜜香脆，终于识欣赏呢种又咸又甜嘅美妙之处。-热香芋鲜奶 $24香芋味似系雪糕个种芋头味，香味都几强。