影片
更多
2017-05-30
489 浏览
今日同朋友係中環經過一條巷仔，好奇轉入去見到入面有一間裝修幾有格調既餐廳，menu既價錢又ok，就決定今晚dinner食呢間啦。餐廳入面燈光昏暗，好有feel，仲有成兩層，都幾大間。我地被安排坐係卡位，有大大張梳化凳坐，非常闊落。我地首先叫左一個蜂蜜芥末雞鎚做小食，menu話呢個係小朋友既最愛喎。雞鎚既醬汁調配得幾好，蜂蜜味較重，芥末味就較少，加上雞鎚細細隻，真係好適合小朋友食。成餐飯既重頭戲就係西班牙龍蝦紅花鑊仔燉飯。一上枱已經見到賣相非常之靚，顏色非常豐富。個西班牙燉飯係成個鑊上，有一大隻炸過既原隻龍蝦係面頭，加上好多海鮮配料，有青口，魷魚，蝦，帶子，非常豐富。另外燉飯既份量都好多，夠2-4個人食，汁既味道好濃，帶少少微辣，非常惹味。另一個主菜係加拿大海膽干貝燉飯。海膽既份量都幾多，味道仲好鮮甜，無腥味。帶子都幾大粒，有微微煎過，味道香口。另外燉飯煮得啱啱好，唔會太過淋，醬汁既味道都可以。食到有少少頸渴，我地就叫左個蜂蜜桂圓紅棗玫瑰花茶share。茶入面有好多桂圓同紅棗，飲落味道好香甜，玫瑰味就比較輕，感覺好滋潤。總括黎講，係中環呢啲高消費地區搵到間價錢合理，野食好味又坐得舒服既餐
餐廳入面燈光昏暗，好有feel，仲有成兩層，都幾大間。我地被安排坐係卡位，有大大張梳化凳坐，非常闊落。
我地首先叫左一個蜂蜜芥末雞鎚做小食，menu話呢個係小朋友既最愛喎。雞鎚既醬汁調配得幾好，蜂蜜味較重，芥末味就較少，加上雞鎚細細隻，真係好適合小朋友食。
成餐飯既重頭戲就係西班牙龍蝦紅花鑊仔燉飯。一上枱已經見到賣相非常之靚，顏色非常豐富。個西班牙燉飯係成個鑊上，有一大隻炸過既原隻龍蝦係面頭，加上好多海鮮配料，有青口，魷魚，蝦，帶子，非常豐富。另外燉飯既份量都好多，夠2-4個人食，汁既味道好濃，帶少少微辣，非常惹味。
另一個主菜係加拿大海膽干貝燉飯。海膽既份量都幾多，味道仲好鮮甜，無腥味。帶子都幾大粒，有微微煎過，味道香口。另外燉飯煮得啱啱好，唔會太過淋，醬汁既味道都可以。
食到有少少頸渴，我地就叫左個蜂蜜桂圓紅棗玫瑰花茶share。茶入面有好多桂圓同紅棗，飲落味道好香甜，玫瑰味就比較輕，感覺好滋潤。總括黎講，係中環呢啲高消費地區搵到間價錢合理，野食好味又坐得舒服既餐廳真係好難得，呢餐飯食得非常滿足！
张贴
