新記煲仔雞粥 (已結業)

好耐冇食个粥，所以今晚就去试吓呢间咁多人赞嘅粥店。我自己试吓个田鸡黄鳝粥，可能因为生滚嘅关系，粥嘅味道比较淡，而田鸡同埋黄鳝都系冇调过味，所以都系食返佢原本嘅味道。用料来讲，都算好足料，而我可以绝对肯定系佢啲粥冇落味精。另外朋友就带咗个艇仔粥，佢落嘅料同出边嘅一样，只系味道都系淡左少少。但系都同样好足料㗎。另外我哋嗌左三款小食，其中有我最钟意嘅炸鱿鱼须。佢啲鱿鱼须比较硬身少少，但系就炸到好香口。跟住仲有一个炸多春鱼，佢个炸粉唔会好厚，所以我觉得呢个炸得几好，香得来唔会好热气嘅感觉。最后就系一个鸡丝海蜇，呢个我嫌佢啲海蜇比较偏甜，调味调得唔够咸同埋唔够香，但系份量有好大碟㖞，所以系以抵食取胜。