生昌潮州海鮮酒家

营业中

休息中

星期五嘅晚上，我同男朋友去咗大围田心警署对面呢间大排档食饭。如果有揸车嘅话都算几方便，旁边有个烂地停车场可以泊车，不过可能星期五嘅关系车位满晒，最后我哋都系冇得选择之下泊街就算。而且呢个大排档亦都适合吸烟人士，因为坐露天嘅位置系可以食烟。我哋只系叫咗三个𩠌，因为得两个人食都怕食唔哂，呢间大排档嘅嘢出名全部都系大大碟。首先叫咗个咕噜肉，当然就系好大碟啦，但确实系色香味俱全。仲有蒜蓉蒸开边虾，仲有粉丝系底，啲粉丝劲入味捞饭超好食。再叫多个腐乳通菜，菜系最失色嘅，因为完全唔够腐乳味。埋单三百几蚊，当然就唔算系平，不过三个𩠌都咁大碟都算抵食嘅。