福元湯圓

营业中

休息中

1月5日, 福元汤丸, 冒起已久嘅糖水舖~ 基本上就喺屋企附近成日经过, 但因为呀菲偏好食西式或新式甜品, 所以一直都无试过. 今晚难得喺北角食完煲仔饭, 想食个热辣辣嘅中式糖水暖下身~ 终于有机会试下喇!::: 糖姜鸳鸯汤丸 ::: $16果然名不虚传~ 粒粒汤丸都又圆又大粒~ 两款汤丸分别系芝麻同花生! 轻轻一咬就糖丸馅料就澎湃流出~ 芝麻馅料又滑又香, 芝麻味超浓郁! 花生就更加正~ 质地沙沙的, 有超浓香甜花生酱味之外仲食到粒粒花生同芝麻碎~ 与软绵烟韧嘅汤丸外皮带来双重口感~ 好好味! 不过就稍嫌个糖姜水好似淡咁dd, 如果再甜辣d就更好味!::: 臭草莲子白合绿豆沙(热) ::: $13好少见绿豆沙唔加海带加莲子白合, 不过加咗又令绿豆沙味觉丰富咗~ 绿豆沙煲到起晒沙, 莲子白合到已经煲到粉淋, 食落味道唔会过甜, 亦渗出淡淡臭草香~ 不过我都系食唔关热糖水, 下次都系叫番冻食应该更好.呢度舖头细细, 但人流不绝. 一路食一路都keep住有人嚟等位或者买外卖~ 汤圆的确系十分出色! 鸳鸯虽然唔系咩特别野, 但花生芝麻馅料系食过咁多汤圆以嚟最好味嘅! 真系写写下都即刻想去食呀