民豐粉麵行

营业中

休息中

经常喺社交平台见到荃湾嘅民丰粉面行出没，已有多年历史，有粉面、饺子、云吞、汤丸出售，当然唔少得网红糯米糍、煎饼呢类传统食品。除左街坊帮衬，亦有不少经过网络介绍，而专程过黎嘅人，相信都有。周日下午茶时间，人流络绎不绝，店员见到我地，都好快问我地要啲乜。试试闻名已久嘅糯米糍，一共三款：芝麻、花生、豆沙，定价$5/粒。始终客多，见去货都快，都冇可能话即叫即整。食呢类糯米糍，我就最怕食到好逦迆，于是买左每款两粒，有个纸盒装住。芝麻、花生、豆沙糯米糍 $30/6粒糯米糍面头沾粉不少，拎上手就唔会黏，比起一般糯米糍大粒得多真系大件夹抵食，5蚊黎计，性价比很高。糯米糍最忌皮厚馅少，呢度唔厚唔薄，可接受，入口几烟韧软绵，粉感唔重。花生同芝麻值得试，同所有人意见一样，馅系多到泻出黎，花生馅最澎湃足料，芝麻味几香不过两款都系，糖度较高。至于豆沙馅就唔系我杯茶，口感糊黏，而且颇甜，有少少受不了。宁愿食多两粒花生、芝麻。