The One Bakery (已搬遷) 新店位置

呢到d麻糬波波大大粒，胀卜卜，除咗成日见嘅芝士同朱古力之外，仲有菠萝皮款，一于每样都买黎食😋$5/1, $13/3芝士同朱古力味道两个都偏淡，朱古力味系用咗朱古力粉整，表面望落以为有朱古力粒，但其实系冇嘅，朱古力粉落得唔够，感觉只系用黎上色。芝士味有少少芝士酱𠮶只甜味，咬耐d会食到微微芝士香。菠萝皮𠮶款就比较特别，系原味麻糬波加菠萝包上面𠮶层酥皮，咬落又香又松脆🤤一路食d皮系咁跌，食得好'le hea'🤣味道黎讲三款都较淡，口感上偏软但仍然烟韧有咬口，同时亦唔会甜或者油，以咁嘅size黎讲价钱可以接受！