陵發潮州白粥 (已結業)

三月十四都同两个麻甩仔去打冷，就知小编仲未揾到我既浩南。不过唔紧要，因为中西意日韩入面，小编偏爱中菜，例如系酒楼、打冷、上海菜等，食好嘢仲实际啦。今次三人行去左太子陵发打冷，但适逢小编岩岩病完冇乜胃口，我地只系叫左几样嘢。如果小编战斗力回复100%，一定可以试多几样嘢。首先就系必食的蚝仔粥，啲蚝仔真系好饱满，有半只我既食指咁大粒，好鲜甜。但成窝粥既汤水就估左一半，粥料就比较少，大概每人两个碗仔既份量，但蚝仔都有三十粒左右。记得menu上有几个size, 个楼面叔叔就话三个人叫第二大既就ok，我建议可以叫大一个size，因我觉得呢样系最好食，同埋量真系唔多。仲有最重要系，如果你同小编一样唔钟意食莞茜葱，一定要走青青青，重要既嘢讲三次。另外就叫左炸蚝饼，好食，好松脆，啲蚝系一样咁大粒，系食过既蚝饼中最好食既(利申: 小编好少食蚝饼)。仲有叫左卤水拼盘，拣左鹅肠，墨鱼同肾，鹅肠系最好食，但一百蚊嚟讲，就份量少左啲。最后仲有碟油菜，好油。因为唔记得每样几钱，所以唔特别提啦，总之埋单就330，冇加一的，总括来讲质素不错。