影片
更多
2018-10-24
782 浏览
屋企人钟意食PIZZA，又想系荃湾区食饭，于是就拣左荃广PIZZA EXPRESS做dinner。每逢星期五同假期荃湾广场都会好多人，间间餐厅都要排队，所以一早就BOOK左位，废事到时又要两老企系到戆居居等位了。餐厅两边都系玻璃窗，可以望到商场入口或者商场入面，侍应安排左我地系卡位梳化坐，几舒服同阔落。台上面已准备一枝水俾客人斟，仲有枝辣椒油，好好食，好香，我地几乎食每样野都落啲哈哈呢到主要食pizza同pasta，饭既种类少啲，另外都有小食甜品果啲。最后我地叫左个4人餐，包前菜x2、沙律x1、Pizza x2、主菜x1、饮品x4（$499）见佢个配搭一定要拣个沙律，所以头盘就拣左蒜蓉包+意式焗肉丸（返到屋企睇返啲相先发现蒜蓉包冇黎到）肉丸有5-6粒，味道就好似蕃茄焗肉酱意粉啲肉酱咁，但啲肉酱就搓成左波波。佢既茄酱带甜多过酸，中规中矩咁。侧边伴碟既面包球就有啲硬、冇味，唔好食。沙律我地拣左common款鸡肉凯萨沙律份量足够4个人食，比想像中多。菜好新鲜，食到索索声，脆面包粒同烟肉都好香口，连埋菜食，成个沙律增加左层次。啲鸡肉食到佢有餣过，唔系整熟左捞埋沙律酱就上碟果只，而且几滑，不错！
台上面已准备一枝水俾客人斟，仲有枝辣椒油，好好食，好香，我地几乎食每样野都落啲哈哈
呢到主要食pizza同pasta，饭既种类少啲，另外都有小食甜品果啲。最后我地叫左个4人餐，包前菜x2、沙律x1、Pizza x2、主菜x1、饮品x4（$499）
见佢个配搭一定要拣个沙律，所以头盘就拣左蒜蓉包+意式焗肉丸
（返到屋企睇返啲相先发现蒜蓉包冇黎到）
肉丸有5-6粒，味道就好似蕃茄焗肉酱意粉啲肉酱咁，但啲肉酱就搓成左波波。佢既茄酱带甜多过酸，中规中矩咁。侧边伴碟既面包球就有啲硬、冇味，唔好食。
沙律我地拣左common款
鸡肉凯萨沙律
份量足够4个人食，比想像中多。菜好新鲜，食到索索声，脆面包粒同烟肉都好香口，连埋菜食，成个沙律增加左层次。啲鸡肉食到佢有餣过，唔系整熟左捞埋沙律酱就上碟果只，而且几滑，不错！
开头谂一个餐有两个pizza，应该都唔会好大个啦，点知上菜果时发现真系好大块。
我地叫既系美国辣味薄饼+利吉里亚海鲜薄饼
意式薄饼都系薄身既，佢呢到既pizza的确做得好薄，所以岩岩食完前菜等一阵，两个pizza就黎喇。辣味果个味道就比较传统，用左茄酱做底，面头加左啲辣肉肠同埋墨西哥椒。椒有两款拣，另外果款系餣辣红椒。我问侍应有咩分别，佢笑而不语，最后拣左青色都系估佢冇咁辣，事实又一啲都唔辣。
海鲜果个就用左白汁做底，海鲜有青口、砚、虾、鱿鱼，全部都好mini，仲有啲香料铺面咁。
两个比较起黎辣味果个浓味好多，海鲜果个几乎食唔出啲咩味，好在啲鲜都唔会好腥。辣味pizza落既酱，配料都岩岩好铺匀系饼面，推介！
Pasta就叫左意式野菌蝴蝶粉
平时意粉就食得多，今次就叫下唔同野。呢个系素菜款，净系得菇做配料。酱汁系由磨菇汁同松露油捞成，食落口好creamy咁好似落左忌廉咁。本身唔系太食松露，但佢落既系油同埋份量唔算多，反而带出左个香味。每食一旧蝴蝶粉都沾到啲酱汁，GOOD
食到呢到大家都有意犹未尽既感觉，打开餐牌望下望下，最后决定点多个面食
玛沙拉鸡肉长通粉（$138）
个长通粉望落好似煮到好淋，仲要冇乜味咁，但食落又几惊喜。面keep到烟un，味道甜甜地，加埋百里香又缓和返忌廉既腻。鸡肉都系有餣过。好食过蝴蝶粉！
我地之后仲加左个甜品Brownie
外表好有雪地既感觉，面头有啲oreo碎，下面系啲cream，中间有Brownie，最底系雪糕。一匙羹笔到落最底就会食到唔同既口感。Oreo既脆，cream既幼滑， brownie既柔软（外皮系焗到脆脆地既，里面就软熟），同最尾凉凉地既感觉，非常之满足。虽然系朱古力，但一啲都唔甜。
家人就唔系太欣赏，佢地话好普通，朱古力蛋糕+云尼拿雪糕
最后系饮品，佢跟餐除左有气既饮品其他都要加钱。柠檬茶就可以任添。
汽水佢会俾个装住冰既杯俾你倒啲汽水落去。
虽然佢俾漏左个包我地，但整体都满意。呢到侍应唔系好够，有时需要落单都要等一阵先有人应，不过侍应见到就会即刻埋黎，食到最尾又会问啲野岩唔岩食
张贴
