影片
更多
2012-05-04
31 浏览
Honey今晚唔得闲, 我又唔想返屋企食饭, 一个人走咗去乐富, 仲好期待晚餐食丼丼屋, 因为开店之初嚟食过几次都唔错, 小食仲几多选择同好味添, 所以至会用期待嘅字眼...7点几钟, 上去旧商店街买完要买的东西后, 见到元气已经爆晒, 好多人等, 咁我都急急脚去丼丼屋, 惊人多要等, 点知唔满仲坐唔到一半人, (但今晚已经系星期尾 - Thursday 啦, 咁水静河飞??), 都好, 顺利入坐, 招呼唔错, 服务员有礼亦醒目, 可惜......食物水准大跌, 真系估佢唔到! 我叫咗滑蛋鸡肉丼HK$48, 加一碟烧鸡泡鱼干HK$28 (Honey睇到呢度唔好又'哦'我为食呀.....), 之前食滑蛋猪柳丼, 亦试过咖哩猪柳饭都唔错, 但今次嘅鸡肉丼好唔掂, 上枱嘅时候卖相仲好靓添, 饭同滑蛋汁都无问题, 之不过净系鸡肉一样嘢就已经扣晒所有分, 因为好劲的一阵解冻做得唔好的怪味,食多件又系咁, 唔驶讲啦, 劲cheap冷冻肉加上师傅功力唔够啩, 我后尾都系食晒啲饭算. 隔一阵嚟埋个烧鸡泡鱼干就真系逼使我呢啲懒人写食评 (因为我通常都系觉得好好味/或好差, 又或者服务好好
Honey今晚唔得闲, 我又唔想返屋企食饭, 一个人走咗去乐富, 仲好期待晚餐食丼丼屋, 因为开店之初嚟食过几次都唔错, 小食仲几多选择同好味添, 所以至会用期待嘅字眼...7点几钟, 上去旧商店街买完要买的东西后, 见到元气已经爆晒, 好多人等, 咁我都急急脚去丼丼屋, 惊人多要等, 点知唔满仲坐唔到一半人, (但今晚已经系星期尾 - Thursday 啦, 咁水静河飞??), 都好, 顺利入坐, 招呼唔错, 服务员有礼亦醒目, 可惜......食物水准大跌, 真系估佢唔到!
我叫咗滑蛋鸡肉丼HK$48, 加一碟烧鸡泡鱼干HK$28 (Honey睇到呢度唔好又'哦'我为食呀.....), 之前食滑蛋猪柳丼, 亦试过咖哩猪柳饭都唔错, 但今次嘅鸡肉丼好唔掂, 上枱嘅时候卖相仲好靓添, 饭同滑蛋汁都无问题, 之不过净系鸡肉一样嘢就已经扣晒所有分, 因为好劲的一阵解冻做得唔好的怪味,食多件又系咁, 唔驶讲啦, 劲cheap冷冻肉加上师傅功力唔够啩, 我后尾都系食晒啲饭算.
隔一阵嚟埋个烧鸡泡鱼干就真系逼使我呢啲懒人写食评 (因为我通常都系觉得好好味/或好差, 又或者服务好好/或超级唔掂, 至推动到我想写食评, OK/普通的/只代表到此一游的就比较懒得动手) . 鱼干卖相又系无问题, 但食咗3几条都唔掂, 已经打算写食评所以补番张相先. 其实之前同Honey嚟食时, 叫咗几款小食都唔错, 唯独是呢碟系最差, 好干, 我今日自己嚟都再叫, 系因我为食, 想一碗饭之余加个小食, 咁唔通叫南瓜薯饼咩, 实食唔晒啦, 咪谂俾多次机会呢味小食啰, 点知比上次仲干同差, 干到硬掘掘, 硬到....第二度都好难食到, 唔通系呢间店的特色? 真系唔掂, 算我唔识欣赏~~~....唔信可以自己试试.
其实佢位置咁方便, 装修又舒服, 我本来系几钟意呢间铺因为至少佢枱/櫈都几濶落, 枱面可以放袋唔驶放膝头捧住食饭, 店员招呼又唔差, 如果你唔心多order小食, 净食碗饭都系几十蚊有交易, 呢类店舖应该几受欢迎, (起码唔会好似某啲茶记咁, 啲枱改细到坐都唔舒服, 最新指标系九龙城街市条街有间新开的烧味茶餐厅, 明明系一人枱, 硬放头尾两张櫈, 二人枱就充当四人枱, 真系只能叹句....吋金尺土. 好多店地下又湿pat-pat, 调味樽同牙签桶污秽不堪咁...攞茶记同丼丼屋比, 系因为茶记晚餐都要几十蚊落楼) anyway, 今次食完都好失望, 希望店长检讨吓无客的原因, 如果你话闲日唔满唔出奇, 咁我相信食物都有影响, 起码你好难再叫我返嚟'再试'...
俾'喊面'系食物好差, 将环境/服务等等的分数扣晒, 唔好意思~
张贴
