不倒翁中日火鍋料理 (已結業)

今晚男友生日，同佢屋企人一齐去左尖沙咀isquare的不倒翁打边炉。其实地点系我拣，因为好耐之前黎过，印象好好(虽然贵左的)。今日下午book左枱，晚上准时7时到，等了5分钟才就座。店名「不倒翁中日火锅料理」，其实系解可以食中式火锅及/或日本剌身料理，火锅不是中日式混合，唔好搞错！今日汤底男友话事拣左冬荫公，陪料拣左顶级雪花肥牛、招牌四宝丸、自制鱼片鱼蛋、鱼面、鱼皮饺及芋头。坦白讲，除左个肥牛用料ok，其他的陪料全部大失水准，好失望。四宝丸只有牛丸还可以，其他丸都太「粉」，无mud鲜味，鱼面太腥太多粹骨，鱼皮饺的皮就太厚。其实，如果系任食都还可以，但这里卖点是高级边炉及收费高级，如果只是如此水准，就真系令人好失望！最差劲一样野，我地4人7:05分入座，唔到8:15分个经理已经「赶」我地走(当然因有人等位)，当我地仲食紧的时候就问我地会唔会再叫野，不会的话，就上埋生果甜品比我地。生果是每人2片西瓜(暧的)而甜品是「贵」花糕(都ok因不太甜)。今次边炉，真系大失所望。