地中海舍 (已結業)

前年喺一个event试过当时大厨嘅手势，好正。上年同朋友尼食都ok。但今餐应该系今个月以来最差嘅一餐。入座后等左一排侍应先尼落单，我地嗌三个𩠌两杯野饮重覆左三四次佢先get到我地要啲乜 (但已经系看图讲故仔笃住个menu逐个𩠌嗌)。Cold cut salad 最正常。但啲cold cut嘅份量大约只够用尼敷eye mask，仲要系一只眼果只。Tortilla咸到出汁，可能大厨以为咁就系地中海风味。份量系细过我手掌的。块tomato bread纯粹系一块白面包加少少红色酸酸地嘅物体，块包薄切到我不得不配服厨师嘅刀工。但大佬你薄切就唔好用软包啦...最后个calamares其实都ok，不过个份量真系好细。男友嗌左杯sauvignon blanc，落单时亦系指住个酒名order，不过最尾杯酒点解会变左红色我地都唔系好明。我杯ice tea系今年以来饮过最甜嘅一杯野。埋单$253。其实海光街晚饭呢个价钱差唔多，但呢间野越做越衰，不如执_左佢啦。