海福Special

营业中

休息中

识食友人话唔识东广场唔好话自己黎过观塘，讲到咁巴闭，真系要去下东广场揾食。呢日放工，识食友人就牵著我同另一友人的小手黎揾食。佢介绍话呢间嘅生滚粥好食，由于本人唔系几食粥同埋惊唔够饱，就叫左牛腩捞面。识食友人就叫左沙嗲手撕牛肉捞面，而另一友人就叫左牛腩河。呢碟沙嗲牛捞面一上我地已经哗哗声，皆因佢嘅卖相唔讨好，好似啲核突野。识食友人试左几啖已经停哂手，佢话好咸，同埋个卖相令佢唔系好想食。我试左啖，真系几咸。谂住饮啖汤冲下个口，点知个汤都系咸嘅.......到我碟牛腩捞面，我觉得几好味嘅，相比个沙嗲牛捞面。成排牛腩系几抵食嘅，加啲醋落个面度更加醒胃。友人话呢碗牛腩河好一般，我试左啖，个河粉唔滑同个汤唔得。得啲牛腩食得落肚......讲真，都几失望。今次识食友人个揾食雷达失灵，希望下次用得返。