Food Garden ETC (已結業)

星期五晚上约咗朋友系荔枝角见面，拣呢间舖头都系俾佢啲相吸引，感觉环境应该几舒服，而且仲见有唔少正评，就提前预订试下。去到餐厅门口，就发现同想像中都几大出入，成个环境好吵，枱与枱之间距离都好近，而且仲冇乜冷气。落完单后，店员先会摆放餐具系枱面。佢摆放个阵系直接揸住装嘢食嘅位，虽然我都会再抹，但感觉始终唔太好。收盘个时系将一堆餐具掉落瓷碟上，啲声系大声到会吓一吓。冬阴功汁海鲜意粉 $158食物卖相都几吸引，而意粉比较幼同质地偏软，同埋好碎。冬阴功味道有啲辣但就冇酸味，里面会有埋虾、带子同茄子。夏威夷手工薄饼 $128薄饼系蕃茄底，馅料就有火腿同菠萝。饼底系韧嘅，而个边就系好硬，质地更似系急涷薄饼。水牛城鸡翼 $68 (REG)鸡翼味道都几浓郁，食到中间就见到红色嘅肉，好明显地睇得出鸡翼炸前未有处理好。总括嚟讲，唔推荐大家嚟呢间餐厅食，环境吵到倾唔到计，食完真系即刻走。食物质素都算差，呢个价钱我相信可以有更好嘅选择。