影片
更多
2022-07-25
258 浏览
已经系个几月之前发生嘅事，今日又经过念起，都系觉得要po出嚟先得。上一次同我frd一齐去一生食拉面，都排咗好耐，差唔多有半个钟。出边有个妹妹仔帮我地扫code，收咗我地预先填好嘅落单纸，安排我地入座。当时我地坐咗系最靠近收银处嘅吧台度，入面发生咩事其实我都见到。我明明见到𠮶位妹妹仔拎咗我地两张落单纸比入边个位戴眼镜阿婶，系我地未坐低之前就已经拎走咗，约莫十分钟之后我地先至可以坐低。但坐咗好耐，隔离左右迟过我地入座嘅都已经食紧，我地连张埋单纸都冇。我就问点解我地未有面，妹妹仔就入去问阿婶，睇佢地个表情应该系整唔见咗我地两张落单纸，我即刻火滚。明显系𠮶位阿婶整唔见咗，但系由始至终𠮶位阿婶都冇出嚟解决过呢件事，反而推个妹妹仔出嚟同我地沟通，系咪过分咗？其实个阿婶又唔系好忙，就企系度落下单收下钱，完全冇做过其他嘢，两个妹妹仔就忙到做唔切。呢啲都算，整唔见我张单系咪要你自己亲自出嚟同我地讲翻句sorry？郁都冇郁过因为太嬲所以直接走人，搞咗差唔多成个钟，乜都冇食到，仲要激到成肚气。之后我地再望翻open rice嘅评价，发现戴眼镜阿婶已经比人投诉过服务态度好差，仲要做嘢唔系好好，整唔见落单纸都得
上一次同我frd一齐去一生食拉面，都排咗好耐，差唔多有半个钟。出边有个妹妹仔帮我地扫code，收咗我地预先填好嘅落单纸，安排我地入座。
当时我地坐咗系最靠近收银处嘅吧台度，入面发生咩事其实我都见到。
我明明见到𠮶位妹妹仔拎咗我地两张落单纸比入边个位戴眼镜阿婶，系我地未坐低之前就已经拎走咗，约莫十分钟之后我地先至可以坐低。
但坐咗好耐，隔离左右迟过我地入座嘅都已经食紧，我地连张埋单纸都冇。我就问点解我地未有面，妹妹仔就入去问阿婶，睇佢地个表情应该系整唔见咗我地两张落单纸，我即刻火滚。
明显系𠮶位阿婶整唔见咗，但系由始至终𠮶位阿婶都冇出嚟解决过呢件事，反而推个妹妹仔出嚟同我地沟通，系咪过分咗？
其实个阿婶又唔系好忙，就企系度落下单收下钱，完全冇做过其他嘢，两个妹妹仔就忙到做唔切。呢啲都算，整唔见我张单系咪要你自己亲自出嚟同我地讲翻句sorry？郁都冇郁过
因为太嬲所以直接走人，搞咗差唔多成个钟，乜都冇食到，仲要激到成肚气。之后我地再望翻open rice嘅评价，发现戴眼镜阿婶已经比人投诉过服务态度好差，仲要做嘢唔系好好，整唔见落单纸都得，真系唔知点解要请咁嘅员工，搞衰自己生意
张贴