影片
更多
2012-01-02
24 浏览
9月6日, 成日行经湾仔呢条街, 都冇机会试呢间牛肉面~ 今日终于特登嚟到食, 平日lunch时间都几多人, 因为有lunch set好似平d~::: 牛肉云吞面 + 熨清菜 + 冻柠茶 ::: $49 + $5 + $3当然叫个牛肉面食啦, 加埋云吞可以双拼, 汤底浓就浓, 不过就冇乜台式牛肉𠮶种香料味, 似味精汤底, 不过好处就唔算好油… 面底亦唔太烟韧, 反而仲似上海面. 云吞货色普通, 冇乜好讲. 而牛肉好大一旧, 好似冇切咁, 一旧牛肉应该可以切到3-4片牛展, 肉质好似牛腩, 太过淋亦都冇咗台式牛肉𠮶种爽口感. 整体唔系差, 不过冇台式风格, 变咗$49一碗就唔系好抵…小白菜好够爽, 几新鲜, 加少少豉油已经好吊味~冻柠茶够冻, 只系柠檬味唔够…::: 肉碎伴面 + 冻罗汉果蜜 ::: $36肉碎伴面望落材料简单, 但其实味道就都几丰富~ 肉碎即系肉燥, 仲有加入少许菇粒, 煮得都颇入味, 捞面食都还算唔错. 只卤蛋就反而无乜味~ 一般般~ 冻罗汉果蜜有啖啖罗汉果味但又唔会过甜, 呢个餐饮都算特别, 其他地方都好少见~食完之后, 感觉呢间似茶餐厅多过台式牛肉面, 如果唔系l
::: 牛肉云吞面 + 熨清菜 + 冻柠茶 ::: $49 + $5 + $3
当然叫个牛肉面食啦, 加埋云吞可以双拼, 汤底浓就浓, 不过就冇乜台式牛肉𠮶种香料味, 似味精汤底, 不过好处就唔算好油… 面底亦唔太烟韧, 反而仲似上海面. 云吞货色普通, 冇乜好讲. 而牛肉好大一旧, 好似冇切咁, 一旧牛肉应该可以切到3-4片牛展, 肉质好似牛腩, 太过淋亦都冇咗台式牛肉𠮶种爽口感. 整体唔系差, 不过冇台式风格, 变咗$49一碗就唔系好抵…
小白菜好够爽, 几新鲜, 加少少豉油已经好吊味~
冻柠茶够冻, 只系柠檬味唔够…
::: 肉碎伴面 + 冻罗汉果蜜 ::: $36
肉碎伴面望落材料简单, 但其实味道就都几丰富~ 肉碎即系肉燥, 仲有加入少许菇粒, 煮得都颇入味, 捞面食都还算唔错. 只卤蛋就反而无乜味~ 一般般~
冻罗汉果蜜有啖啖罗汉果味但又唔会过甜, 呢个餐饮都算特别, 其他地方都好少见~
食完之后, 感觉呢间似茶餐厅多过台式牛肉面, 如果唔系lunch, 价钱更加唔平… 而佢嘅牛肉面都仲有其他地方好过佢, 所以都应该冇番食嘅必要.
张贴
