理大美食坊

营业中

休息中

大学食堂俾人嘅感觉往往系好难食，今日就去试下理工嘅饭堂系咪真系咁难食先。地点唔驶点讲啦，红磡站一出就系，入到去见到钟楼转右再喺便利商店隔离落一层嘅右边就系，好多自由行都识去。不过有时要睇证件先俾入。讲咗咁耐，今日介绍嘅系切鸡饭，出面普遍都要接近三十蚊，呢度仍有二十蚊有找。系咪好感动先？简直系粮尾佳音。个饭系比较软身，鸡大概有六件，不过骨碎都几多下。鸡嘅鸡味一般啦，一定唔系新鲜鸡，有少少菜伴饭，比较健康。不过咁嘅价钱不能要求太多。汽水系自助，有个杯俾你自己喺汽水机自取。