可可店 (聯威新樓)

营业中

休息中

如果唔系宜记休息，我都唔会帮衬可可店。可可店环境挤迫，好多时都要等好耐位，侍应可能因为太忙，都唔会太有礼貌。唔好彩嘅话叫极都冇人应你，想落单都难。环境亦都好嘈，落单好多时都听唔到你噏乜，上错菜嘅机会都好大，落漏单亦都好常见。食物质素方面，同个店名一样，尚算可以。其中一样𩠌系出面茶餐厅比较少有，叫老干妈蒸猪爽肉。正常我每次嚟都会叫呢个，老干妈系乜嘢？我又真系唔知，不过豆卜同猪爽肉都系我比较钟意食嘅，调味亦都唔错。送饭一流。其他碟头蒸𩠌，都几好𩠌饭，几个人叫几个𩠌，都会食得几开心。寻日好热，所以叫咗两杯果汁，芒果汁同奇异果汁。唔知道系咪鲜榨嘅，不过味道真系麻麻地。印象中可可店嘅柠茶奶茶都只系一般。不过如果喺深夜，𠮶一区其他店都闩晒㗎啦。其实都只有呢一间选择。