影片
更多
2014-04-25
1455 浏览
早前因工作关系，应邀出席一个国内大学香港校友会所搞嘅晚宴，平时小弟都唔多喜欢依类场合，多数谢绝，今次赴约纯为见识一下，晚宴设于香港会议展览中心4/F嘅君爵厅。偌大嘅宴会厅筵开20席，枱枱都以花为代号：向日葵、牡丹、海棠、杜鹃……，甚有雅意。而席间名人甚多，不过，都喺我识佢，佢唔识我𠮶种 。期间敬茶、敬酒、派片都成为指定动作，但小弟不好此道，乖乖晌位影相，揾手机略打食评 。是晚嘅宴会一共上10道菜，多款菜式都甚有睇头，此外，枱上嘅餐具及摆设都甚有气派 。晌如此高级嘅宴会厅进餐，当然唔使大家「起筷」，规格跟晌酒店内嘅中菜厅摆酒无异，每道菜都由专人分好再送上，所以，侍应们都要密密做。 鸿运乳猪拼盘拼盘有乳猪件、海蜇、蒜泥青瓜、牛展、分蹄，乳猪香脆又唔肥，青瓜爽脆带蒜香，牛展入味而微辣，其他嘅海蜇、分蹄就显得普通啲，但本身口感、味道都唔差嘅。 碧绿金沙虾丸 依道菜正，虾丸唔单只弹牙，外层加咗咸蛋黄，特别惹味；蜜糖豆既清甜，又爽脆，细心位喺去头、去尾，又去边，食起嚟完全无渣。 燕窝金雀羹 金雀羹其实喺将鹧鸪拆肉做成嘅肉羹，睇落成窝小粥咁，由于鹧鸪肉拆得好细碎，令人食起嚟好似
偌大嘅宴会厅筵开20席，枱枱都以花为代号：向日葵、牡丹、海棠、杜鹃……，甚有雅意。而席间名人甚多，不过，都喺我识佢，佢唔识我𠮶种 。期间敬茶、敬酒、派片都成为指定动作，但小弟不好此道，乖乖晌位影相，揾手机略打食评 。
是晚嘅宴会一共上10道菜，多款菜式都甚有睇头，此外，枱上嘅餐具及摆设都甚有气派 。
晌如此高级嘅宴会厅进餐，当然唔使大家「起筷」，规格跟晌酒店内嘅中菜厅摆酒无异，每道菜都由专人分好再送上，所以，侍应们都要密密做。
鸿运乳猪拼盘拼盘有乳猪件、海蜇、蒜泥青瓜、牛展、分蹄，乳猪香脆又唔肥，青瓜爽脆带蒜香，牛展入味而微辣，其他嘅海蜇、分蹄就显得普通啲，但本身口感、味道都唔差嘅。
碧绿金沙虾丸 依道菜正，虾丸唔单只弹牙，外层加咗咸蛋黄，特别惹味；蜜糖豆既清甜，又爽脆，细心位喺去头、去尾，又去边，食起嚟完全无渣。
燕窝金雀羹 金雀羹其实喺将鹧鸪拆肉做成嘅肉羹，睇落成窝小粥咁，由于鹧鸪肉拆得好细碎，令人食起嚟好似食粥咁绵，而侧旁𠮶小碟燕窝，绝对喺「豪气」、「派头」嘅表现，整体而言，个金雀羹真喺好好食。
福袋蹄筋原只鲍鱼 初头望到个鲍鱼，何来蹄筋，原来晌鲍鱼之下，福袋里面。唔单鲍鱼又腍又入味，蹄根亦都腍滑非常，连啲西兰花都做得爽口，实在做得一丝不苟。
清蒸绿洲花尾龙趸鱼肉挺滑，肉质细嫩，最可惜唔知条花尾龙趸嘅真身喺点，送到上枱嘅已经喺分好一碗碗。
香葱茗茶熏鸡 饮宴多数都喺食炸子鸡居多，但今晚以熏鸡品客，熏鸡做得上乘，肉嫩已经叫人食得称心，加上鸡肉带有点点茶叶香，清香不俗，正！
金贝蛋白炒饭‧上汤水饺生面 两份单尾同时送上，仲要每款一整碗，一定食得你饱。炒饭做得出色，饭粒分明，配以金银瑶柱丝，又多蛋白碎，清得嚟唔寡；至于个汤面，面条爽，汤头清，少少鱼鲜味，而水饺内嘅木耳、虾肉同样爽口好食。
生磨杏汁炖湘莲海底椰 临尾个糖水亦都无马马虎虎，杏味浓郁得嚟好清香，莲子非常松化，甜度又啱啱好，超赞。
本应送上糖水嘅同时，就喺配精美小甜点，不过，由傍晚嘅接待酒会、主席致欢迎词、嘉宾致词、校友会汇报……等等，搞咗两个几钟，比原先「开饭」嘅时间迟咗个几钟，我估大会怕宾客有啲饿，所以，就将个小甜点晌席前送上，喺笑口枣及豆沙煎埋仔嚟，抱歉相片欠奉，因为小弟以为只喺餐前小食。
题外话/补充资料：
因为唔知一席要几钱，所以，每人消费俾唔到参考，而细项评分「抵食」一栏随意俾个中间位。
(以上食记乃用户个人意见 , 并不代表OpenRice之观点。)
张贴
