初心

营业中

休息中

老公最爱打边炉，趁放假前夕大家放松心情食餐好的。餐厅装潢优雅，干净企理，感觉舒适。地方挺阔落，大部分都系四人枱和舒服的卡座，亦有大圆枱，大伙儿打边炉最开心，当然我地两个人也打得开心。除咗鸡煲火锅任食套餐外，亦有小菜、晚巿套餐等选择。我地一心打边炉，拣了鸡煲火锅任食套餐 ($318/假期前夕)，有六道菜，包括宫廷小食、三文鱼刺身、招牌鸡煲、火锅配海鲜拼盘和任食配料、饮品和甜品。先到饮品区，有多款汽水、茶、台湾饮品、韩国饮品等任君选择，还有任饮醇滑嘉士伯啤酒。拎咗冷泡茶和啤酒，可消滞解渴。先上五款宫廷小食(可追加)，有香脆鲜美的松露虾多士、香辣爽滑的麻辣鸭血、酸香开胃的红酒乔头渍、爽口入味的渍牛蒡、香脆可口的椒盐三文鱼头腩。各具特色，一样咁好味吸引。招牌鸡煲 出场，要了小辣。除咗有鸡件外，仲配咗紫洋葱、支竹、猪皮、红青椒等，好丰富。每件鸡都啖啖肉，弄得入味，味道咸香带辣，好惹味！仲有索晒汁的配料，都好好味。因为今期少食生冷嘢，故不要三文鱼剌身，但见隔离枱一盘盘的刺身相当新鲜厚切肥美，好正咁!轮到火锅，哗! 宫廷式的锅子，很优雅! 在多款火锅汤底中拣了虫草花南瓜锅，内有大量爽口的虫草花、甜美