影片
更多
2012-10-01
216 浏览
25-9-2012(Tue)我去唔到男友人LKH屋企食饭,咁我又想将厦门手信畀佢同佢家人,29-9-2012(Sat)打畀LKH,佢话佢大女LL约寻日30-9-2012(Sun)中秋节正日食晚饭,其实我知系LKH o既太太同LL o既农历生日,既然系咁,就一齐啦,开头讲好o左出街食,咁我就谂起o系土耳其妈妈厨房book位兼订千层蛋糕,上次冇食$185.00o既梅尔辛红饭酿烤嫩鸡,重有$158.00o既土耳其乳酪芝士阔条面,一口饺子要羊肉,其他由Grace帮我谂定.Grace话千层蛋糕未必赶得切做,如果做唔到就做班兰蛋糕,我答我知自己太迟订,但尽量,首选系千层蛋糕,做唔到班兰蛋糕都要.转头佢打畀我,话要改去我爱伊斯坦堡,因为土耳其妈妈厨房有个炉坏o左.OK冇问题吖,不过我都讲有位朋友会拖个好大o既行李箱,唔知会唔会阻佢,佢答有地方摆.好的,谢谢!点知到寻日12点几,LHK打畀我,话寿星婆唔肯出街食,坚持自己煮,叫我打电话同佢讲.咁好啦.打电话畀寿星婆,佢依然坚决o系屋企煮,重收我线添=.=”.唉!我失信于人喇.我打电话畀Grace,同佢讲唔好意思,呢晚booking要cancel,不过我
Grace话千层蛋糕未必赶得切做,如果做唔到就做班兰蛋糕,我答我知自己太迟订,但尽量,首选系千层蛋糕,做唔到班兰蛋糕都要.
转头佢打畀我,话要改去我爱伊斯坦堡,因为土耳其妈妈厨房有个炉坏o左.OK冇问题吖,不过我都讲有位朋友会拖个好大o既行李箱,唔知会唔会阻佢,佢答有地方摆.好的,谢谢!
点知到寻日12点几,LHK打畀我,话寿星婆唔肯出街食,坚持自己煮,叫我打电话同佢讲.咁好啦.打电话畀寿星婆,佢依然坚决o系屋企煮,重收我线添=.=”.唉!我失信于人喇.
我打电话畀Grace,同佢讲唔好意思,呢晚booking要cancel,不过我会o黎攞千层蛋糕同梅尔辛红饭酿烤嫩鸡,因为我真系预订o左,唔想晒佢啲料,亦当系我o既小小弥补.
佢都好好人话OK会安排,不过一定要话实几点到,因为梅尔辛红饭酿烤嫩鸡做起后唔可以等太耐.好的.而呢次拎食物o既地点又唔同,系呢间－我爱峇里岛.
谢谢Grace咁好人,我好内疚,又欠佢一次,下次我一定会自己约一班人o黎帮衬.
而o系约定时间前5分钟,Grace都打畀我话只鸡焗好,可以随时拎.我上到去拎喇,梅尔辛红饭酿烤嫩鸡系$215.00,千层蛋糕系$300.00,Grace话只鸡要趁热食,如果拎到返去冻o左,就用焗炉细火焗返10分钟就OK,而乳酪系蘸鸡食o既.
搅掂就去LKH屋企喇,我同男友坐o系车上,一路嗅住只鸡o既香味,一路好想食,虽然我都未系好肚饿.
去到可以开餐喇,我o地一共七个人,未打开锡纸,LL都话嗅到好香,打开睇,个样OK,
切开埋睇,饭唔系好多,
一人应该只试到一汤匙,因为只鸡唔系大只,系嫩鸡.我o地先食饭,饭有啲辣但唔太辣,湿湿润润,而鸡肉呢?食到皮o既朋友做话好够味,食到有好多香料,味道唔单调,所以可以唔蘸,但如果只食鸡肉o既,就可以蘸啲,乳酪味道确实系带土耳其风,LKH唔知情下将成只鸡髀’浸’落乳酪o度食,大叫唔好食.不过佢都赞啲饭OK,但如果用走地鸡会好食好多,重话如果下次食,问可唔可以我o地供应只鸡畀佢o地整.不过男友话用香料整o既新鲜鸡会o徒晒只鸡.
味道:4.5分
食完所有o野后,我o地就食千层蛋糕当生日蛋糕,
Grace帮我o地做o左一磅因为始终都系牛油,惊太漏,切开睇层次分明,
食落,味道好特别,大家都食唔到系咩o野味但觉得好好食,LYY话好似有啲姜味,我就谂,印尼o野应该都用上椰油呢啲o野.但o衣o家睇返招牌菜,写住印尼鲜牛油千层蛋糕,唔通印尼鲜牛油o既味道就系咁?味道: 5分
同样咀刁o既LYY都话好食,我提议约佢o地12月去食,佢都话好,真系好啦!
其他:
原本都唔知应该将呢篇食评放o系边间,因为三间都触及,但由始至终都只系接触Grace一个,而最后去拎o野食o既地方系呢o度,所以将食评写o系呢间.
张贴
