Chotto Maki (廈門街) (已結業)

环境4分：入面光猛企理，一边系收银同open kitchen，另一边就系枱同卡位，细细间舖地方好见洗，仲有厕所供客人用，非常少见，厕所都非常之干净，值得一赞，可以畀四分。卫生5分：Open kitchen 见到都非常之卫生，Ｄ卷物全部即叫即包，食材同调味分好晒。枱面干净，一Ｄ都冇黐立立，Ｄ自助筷子同酱油用完即弃，用多Ｄ又攞多Ｄ，用少Ｄ攞少Ｄ，都算环保，卫生可以畀五分。服务5分： 收银员态度好好，会主动推介食物，谂多几谂又唔会嫌烦，非常之有耐性，服务畀满分。味道4分：1)     呢枝信州有汽苹果汁真系要推介，因为个味道好香甜同好清爽。2)     卷物分两大种类，一种大大嚿有四旧，一种一口size就有八旧，好多种唔同馅料任君选择。(604) CRUNCH系第一类，入面包左三文鱼，芦笋，蛋，天妇罗脆粒，同沙律，个面就淋左Ｄ樱花虾同黑芝麻酱，真系好脆好丰富，个味甜甜地好嘢味。3)     个CALI SALMON主材系炸过嘅三文鱼同蟹柳，但系完全唔油腻，味道好鲜甜，碟角几旧馅萝卜都十分之爽脆。4)     加十二蚊要左个面豉汤，个汤真系非常热，食完晒Ｄ寿司先饮都好够热同好够味。5)