甘饕 (已結業)

同事话好耐无食烧味， 于是我就带佢去铜锣湾兰芳道甘饕食靓烧味。 餐厅环境唔算大， 但装修都唔错， 都几阔落。 甘饕出名价钱亲民， 烧鹅同义烧出名好食， 咁就唔洗谂啦。是日午餐大少爷义烧煎蛋饭烧鹅濑粉2个餐都附送老火汤， 店员话老火汤日日唔同， 今日我地饮嘅系发菜莲藕汤。 老火汤好好味， 火喉充足， 好有住家汤水feel。 如果可以饮多2碗就正。大少爷义烧煎蛋饭， 大大碟嘅饭送上面前， 义烧非常大件， 厚切， 煎蛋有㶶边， 睇见都想食。 义烧蛋饭唔系配豉油， 系配洋葱汁， 又几夹㖞。 义烧肥瘦适中， 入口即溶， 好似食紧和牛咁， 义烧又软又林， 真系值得推介。烧鹅濑粉， 烧鹅皮脆肉嫩， 好有鹅的甘香味， 鹅皮同鹅肉中间有少少鹅的膏， 超级好味。 呢个价钱食到靓烧鹅， 唔洗去名牌店嘅。