湖越

营业中

休息中

今日晏昼大围开始踩单车入大尾督，踩到入去见到呢间越南菜好多人，睇吓门口Menu有咩食，都好丰富，于是我哋一行四人就泊低架车入去食。我哋坐出边，环境好正，望住个湖，天气又好。我哋叫咗个越式小食拼盘，好丰富，有猪扒，有鸡翼，有猪肉串，虾饼等等，全部都炸得好好味。捞檬，个捞檬汁酸酸甜甜劲好食，春卷又系劲饱满唔似叫货，好似去左越南咁。跟住叫咗个牛丸汤粉share，牛丸爆汁好正，牛汤浓郁，menu话用50斤煲且绝无味精，清租得很。朋友叫咗个牛柳粒红饭，唔系周围有得食，好香口，牛柳粒嘅够味，呢个饭唔使汁到可以送饭。另外个朋友叫咗个咖喱鸭髀汤河，呢个真系未见过，但系咖喱同鸭比出奇地好甲，成碗粉都好食，特别系啲河粉都好滑（朋友话）仲有个顺化浓虾汤，真材实料，好浓郁虾味，成碗汤都差唔多饮哂。成餐饭都好满足，下次再踩单车都可以入嚟食午餐，埋单都唔使一人一旧。