影片
更多
2022-12-23
91 浏览
结婚周年果晚，同老公去咗大美督，一听到大美督就会谂起烧烤，但上「🍚」见到呢度有间满意度极高嘅西餐，所以就嚟试吓。在大美督村嘅「R & Y’s International Cuisine」系一间位于村屋地下嘅西餐厅，像私房菜。17/12 当晚已有 Christmas Set 供应，一看menu 就觉得好吸引，雅芝竹、北海道带子、西班牙红虾、法国鸭胸粒配汤，用料咁高质嘅？！一坐低，先来一口 parma ham 配酸酸地嘅醋汁，卖相好靓，打咭一流。然后是Appetiser —「白酒焖雅芝竹心、烟三文鱼及蟹肉沙律 + 烧挪威小龙虾配黑鱼子酱」。雅芝竹煮法几特别，用烟三文鱼包著，上面放咗蟹肉沙律，雅芝竹吸收哂蟹肉沙律嘅味，好软好好味。小龙虾食得出好新鲜，弹牙，烧得几香，配埋黑鱼子酱食，正！未上餐汤，我哋已经忍不住食面包篮内嘅蒜蓉包，啱啱焗出嚟外脆内软，不过最好味系香葱落薄脆，薄到透光，好香口，一个人食咗一大块。然后是「香草牛油焗干邑野菌烩田螺」，汁料好香浓惹味，用来点蒜蓉包食好正。「香煎北海道带子配杂菜中东黎麦」，带子半熟，煎到外脆内软。除了吸睛嘅北海道带子外，还有切到同黎麦一样咁细嘅杂菜，细到
在大美督村嘅「R & Y’s International Cuisine」系一间位于村屋地下嘅西餐厅，像私房菜。
17/12 当晚已有 Christmas Set 供应，一看menu 就觉得好吸引，雅芝竹、北海道带子、西班牙红虾、法国鸭胸粒配汤，用料咁高质嘅？！
一坐低，先来一口 parma ham 配酸酸地嘅醋汁，卖相好靓，打咭一流。
然后是Appetiser —「白酒焖雅芝竹心、烟三文鱼及蟹肉沙律 + 烧挪威小龙虾配黑鱼子酱」。
雅芝竹煮法几特别，用烟三文鱼包著，上面放咗蟹肉沙律，雅芝竹吸收哂蟹肉沙律嘅味，好软好好味。
小龙虾食得出好新鲜，弹牙，烧得几香，配埋黑鱼子酱食，正！
未上餐汤，我哋已经忍不住食面包篮内嘅蒜蓉包，啱啱焗出嚟外脆内软，不过最好味系香葱落薄脆，薄到透光，好香口，一个人食咗一大块。
然后是「香草牛油焗干邑野菌烩田螺」，汁料好香浓惹味，用来点蒜蓉包食好正。
「香煎北海道带子配杂菜中东黎麦」，带子半熟，煎到外脆内软。除了吸睛嘅北海道带子外，还有切到同黎麦一样咁细嘅杂菜，细到完全溶入汁内，入口滑溜，好有心机！
「干邑野菌浓汤配香煎法国鹅肝粒」，野菌汤好creamy，底部有一粒粒烧到好香嘅鹅肝粒，好似食紧烧鹅皮咁香。
每上一道菜大厨都会出现介绍，得知大厨即系老板喺外国工作过，钟意用各国高质食材煮出适合香港人嘅口味。仲同我哋解释因为太迟先知我哋嚟食饭，赶唔切订澳洲肉眼同西班牙红虾，但佢换咗美国 Prime 同花竹虾代替，果份认真，我以为自己食紧过千蚊嘅西餐。
然后是Main course，有2款，分别系「美国 Prime 肉眼配薯饼」& 「香煎银雪鱼及花竹虾配马天尼酒忌廉汁。
肉眼扒无筋，质感软身，烧得几香。银雪鱼好香，虾🦐够弹牙，有鲜味。
最后是「甜品拼盘」，Tiramisu & cheese cake 系老板handmade 嘅，特别幼滑，带好浓嘅云尼拿味，仲写埋「Happy Anniversary」💖！
食材高质、煮法讲究、卖相精致、味道一流，这个set 只是 $698/位，性价比好高，下次要再encore！
呢间隐世餐厅唔喺路边，我哋都要问人先揾到，想嚟嘅朋友记得喺大美督村公所旁边条路行上去就会见到。
张贴
