芭堤雅小廚

营业中

休息中

原本入嚟大尾笃系想食忠诚泰菜，食过几次，质素真系几好，不过新年期间入到黎，忠诚太菜收咗炉，芭堤雅小厨其实只系系正隔离，系冇选择嘅情况下，见到OpenRice嘅评分又唔系咁差，就试一试。原本谂住新年食好啲，不过点左第一道头盘串烧就感觉麻麻，所以之后就只系点多个咖喱。半打串烧$120串烧可以选择（牛/鸡/猪），我哋每样点左两串，每串都算几大串，食第一口鸡肉感觉都还好，新鲜烧好热辣辣，而且唔会烧得过火，不过食猪同牛就出事，牛和猪虽然都好淋，不过就冇肉质和冇味，沙嗲酱亦系完全冇沙嗲味！黄咖喱鸡$108黄咖喱卖相冇诚意，食落甜甜地，泰式咖喱嘅香料味同香叶味道亦欠奉，食落冇乜咖喱味，洋葱同鸡柳味道同样亦冇镬气，所有嘅材料亦唔入味。叻喱内有洋葱和鸡肉，洋葱份量都算几多，钟意食洋葱或者健康嘅嘢朋友可以考虑。蒜蓉包$58个包都够脆同埋松软，不过蒜蓉牛油味同样好淡，一客4 块，性价比唔高。最后埋单$315 ，总括而然，芭堤雅小厨呢度嘅食物一般，用餐环境一般，间中会有些细昆虫飞，入到黎大尾笃甘远，可以选择食烧烤或者隔离嘅泰菜都唔错。