影片
更多
2018-03-31
1711 浏览
放假入嚟大围踩单车，一踩就踩到入大尾笃啦。20km路程后梗系要揾下野食啦。见到大尾笃村都有好多选择，有好多茶记，泰国菜，行行吓就见到呢间，个门口好似好靓咁，成个花园咁，于是就行入去食𠮶early dinner la🤪🤪🤪可能时间尚早，5点半度，见有啲waiter系抬度训紧教，同埋𠮶waitress 好似无谂过咁早就有人黎食野🤫🤫见𠮶Menu都好多选择，呢间系间意大利餐厅梗系要试吓佢啲意大利粉啦，我同朋友就嗌左碟烟三文鱼香菇辣番茄酱意粉同埋烧猪肋骨🤤🤤🤤等左好耐先有得食，可能踩完单车真系好饿呀😏😏😏终于等到碟意粉上枱，果然慢工出细火，有惊喜呀！碟意粉除咗有几片烟三鱼之外仲有好多三文鱼肉夹埋意粉度，混合左啲辣番茄酱，真心好味，再加上啲意大利粉面质软硬适中，每条意粉都挂住左啲辣番茄酱，正呀！至于碟烧猪肋骨新鲜烧起，啲肉唔会鞋口，加埋啲烧汁好好味。呢间餐厅果然有惊喜，估唔到喺大尾督都食到啲咁有水准嘅意大利餐。我哋卖单之后，其实成间铺头都开始好多人入嚟，好多都系订左位，一班朋友黎gathering🤗
张贴
