龍尾軒

营业中

休息中

大尾笃出名系BBQ但其实都有好多私房中菜馆同餐厅默默做成为居民餐厅好多都好friendly 嚟到最「笃笃」嘅龙尾入夜后舒适宁静行喺路上会闻到有住家饭嘅香气#龙尾轩 同海边只系马路之隔主打中式私房菜由前福临门厨师主理质素唔曳前菜三点酱皇红蜇头、手拍青瓜同椒盐鲜鱿由酥到咸好够刺激味蕾汤品亦饮得舒服我钟情清甜嘅羊肚菌栗子炖鲍鱼汤娘亲就偏爱五指毛桃玉竹炖鸡汤小炒王同鲍汁蟑鱼鸡粒炒饭同样够获气菠萝咕噜肉要赞个咕噜肉放凉后冰脆爽口至于川味口水鸡有啲被比下去肉质虽嫩但鸡皮有点过厚另外樱花虾鱼腐浸时蔬亦有惊喜店员强调鱼腐系自家制算系一道难得嘅手工菜甜品竹蔗茅根炖菊花豆腐清润甘甜我钟意！