緣聚鮮鍋 (已結業)

今日约咗几个旧朋友食放题， 谂住地方就脚就拣左荃湾大鸿辉。 原来呢座嘢里面有好多放题食， 真系估佢唔到。晚市时段全城爆满，如果冇book位都几难食到， 所以大家去嘅时候都要预先book位。呢个系打边炉加寿司放题， 梗系叫咗个猪骨汤底打边炉先啦! 汤底够晒笼澳好足料， 肥牛肥瘦均匀， 虽然薄咗少少，但口感又唔错㖞。豚肉切成大大片， 肉质鲜嫩， 打边炉一流。额外攞咗少少刺身食， 甜虾好似手咁大， 真系好揼本，所以每次限攞一只。而三文鱼非常厚切， 够晒冰冻肥美。 螺肉够晒大粒，非常烟韧，点小许芥辣，鲜味十足。随意再叫咗卷物和寿司，款式多罗罗， 真系样样都想食。蔬菜，丸类， 面类，菇类， 款式多到令人大开眼界。 食咗咁多间放题， 第一次食既放题，系每个种类都有咁多， 真系超级抵食。七彩颜色嘅甜品， 非常吸引，真系岩晒大人小朋友食。雪柜嘅嘢饮好多都未见过， 成行都系嘢饮，真系好壮观， 慢慢睇慢慢拣都要睇好几分钟， 真系够晒霸气。