Su Casa (已搬遷) 新店位置

万圣节呀!虽然香港气氛麻麻，但始于要食饭嘅，一家三口近近地行去京瑞广场揾嘢食，有咗比卡猪之后，食饭嘅地方一定要舒适阔落，行过呢度喺门口哥哥仔已经好有礼貌招呼，再睇吓环境，座位大到可以放埋BB车，唔使谂喇就呢度食我地嘅万圣节晚餐，睇餐牌食物种类都算多，仲有几款儿童餐添，交俾太座话事，先嚟呢度嘅招牌蚝汤，嗜蚝者一定会超满足，成碗汤充满蚝味，第二度从未饮过，当然呢度仲有其他餐汤嘅，因为唔系全部人都喜欢蚝；小虎虾沙律用料超新鲜，沙律菜真系冇得呃人，小虎虾上碟系微暖，睇到系用心去整，唔系一早煮好冷藏好，等客人点菜就上嘅货色，用心；呢度嘅特饮菠萝有机亚奇籽绿茶系我至钟意嘅味道，微酸而带甜，清新醒胃；儿童餐太座点咗炸鱼薯条粟米配芝麻沙律加橙汁，唔知系咪因为用架车车做餐盘，比卡猪竟然抢住食，少可少可；到主菜上喇，有我地最爱嘅德国咸猪手，呢度配上酸椰菜，又系第一次食，估唔到咁好食，首先食哂嘅系酸椰菜，哈哈，猪手皮够脆而肉质不硬入味，唔使点芥辣都够味，美中不足系我觉得今次我呢只太细了；最值得推荐嘅系呢个日本带子菠菜忌廉天使面，食面好似食紧菠菜咁嘅感觉，食哂猪手先食都食哂可想而知好味程度；饱到捧住个肚，但甜