薄荷葉泰國菜

营业中

休息中

入到黎元朗，大把好嘢食，同朋友仔行完街街，揾到呢间泰国菜，食下嘢顺便chill下。睇餐牌好多选择。冬荫公汤，虽然叫左细汤，每人都饮到两碗，仲有好多料，个汤够酸多辣，正！酸子炸猪手，个猪手令到我地哗一声，好大只猪手，炸香嘅外皮，里面啖啖肉，咁大只猪手都炆得好软腍，连拌碟嘅炸紫菜都好好味。杂锦小食，泰国菜必食嘅炸物，可以点唔同嘅酱汁，个虾片好脆。班兰咖哩牛，咖哩好浓稠，微辣，送薄饼一流。叫咗番石榴特饮、菠萝特饮，个果味好特岀，微量梳打，唔会饮到成肚气，饮落仲有点点果肉。