老北京餛飩皇

营业中

休息中

本人超钟意食饺子，揾嘢食嘅途中见到老北京馄饨皇个menu上面有超多种类嘅饺子，蒸同煎都有，所以就一于试一试佢🤩我地嗌左全家福蒸饺同煎饺，全家福饺子当中嘅口味有：黑松露、马蹄芫茜、虾仁、韭菜、荠菜、酸菜、粟米😆 有选择困难嘅朋友可以直接嗌全家福！个人最钟意嘅口味系粟米、虾仁、黑松露，粒粒都爆汁。蒸嘅口感较佳，皮薄够滑，煎都煎得好香口同酥脆，不过略为油左d。我地仲嗌左份酸辣大拉皮同花生酱拌面，大拉皮超好味呀，口感好似啫喱咁，冻冰冰，搭配酸辣酱好好味，因为有少少淡，所以加左搭配饺子嘅酱汁，超好味😋花生酱拌面可能因为摆太耐，面痴埋一旧，所以影响左口感，味道ok，下次堂食再试下。