漢記小廚 (已結業)

呢日系九龙湾体育馆做完运动，谂住同D朋友去食个晚饭， 知道启业邨呢边有大排档，于是我哋决定嚟试吓！仲有个啤酒妹添！好多嘢食都想试吓呀！但系啱啱做完运动又唔敢食太多😌我觉得大排档最唔可以少得嘅，就系韭菜猪红啦！小小辣都几惹味！仲有另一个大排档唔少得嘅，就系大啤啦！做完运动，都真系有少少Guilty😂金银蛋白菜仔，清清地，唔错！椒盐鲜鱿，呢个真系正！啲鱿鱼一啲都唔会un，炸粉又唔厚，脆卜卜，正！😋😋😋油盐水浸蚬，味就系唔错嘅，可惜啲蚬就唔系太大只，美中不足！最后一味，陈皮蒸多宝鱼🐟，鱼味鲜，都几嫩滑！唔错唔错！总结而言，喺大排档越来越少嘅大前提底下， 能够食到唔错嘅食物质素，呢度都真系附近唔错嘅选择！