影片
更多
2024-10-03
404 浏览
同朋友上网search到依间，见到咁多好评就嚟试吓坐低咗劲耐先上咗一碟香辣鱼皮，前菜我都已经唔讲咩评价第一碟嚟咗黄金鱿鱼，劲厚粉啲鱿鱼又硬，只系食到浸油炸味，根本就好似叮出嚟咁，好啦咁我等其他𩠌，上菜10分慢，唔同姐姐反映叫佢跟一跟，都唔会上菜然后就上咗第二个前菜，盐焗鸡脚，简直系离谱，未试过食一只鸡脚就停手，鸡脚好似白灼之后就咁倒啲汁上去就算，10分难食，真系好似食紧热水烚鸡脚咁然后再上豆豉鲮鱼油麦菜，佢连呢碟𩠌都可以难食，油麦菜好硬又冇味，完全冇镬气，竟然系得豆豉鲮鱼有味有个菜式写住拔丝菠萝咕噜肉，一嚟到: 何来拔丝？咕噜肉好似啲僵尸肉咁，入边系硬嘅，真系无话可说连个粟米鱼肚羹，都可以好稀，最基本嘅白饭，好似系琴日嘅隔夜饭，硬到有饭焦咁未试过去一间大排档体验咁差，真系好后悔冇影低张相！到最后埋单见到$982，真系更加嬲！完全唔值呢个价钱，简直系贴钱买难受，今日系第二日，谂起呢餐饭真系好浪费食物，希望佢哋唔好浪费食材，改善一下厨艺，唔好令到食客失望！自费的食客上。
坐低咗劲耐先上咗一碟香辣鱼皮，前菜我都已经唔讲咩评价
第一碟嚟咗黄金鱿鱼，劲厚粉啲鱿鱼又硬，只系食到浸油炸味，根本就好似叮出嚟咁，好啦咁我等其他𩠌，上菜10分慢，唔同姐姐反映叫佢跟一跟，都唔会上菜
然后就上咗第二个前菜，盐焗鸡脚，简直系离谱，
未试过食一只鸡脚就停手，鸡脚好似白灼之后就咁倒啲汁上去就算，10分难食，真系好似食紧热水烚鸡脚咁
然后再上豆豉鲮鱼油麦菜，佢连呢碟𩠌都可以难食，油麦菜好硬又冇味，完全冇镬气，竟然系得豆豉鲮鱼有味
有个菜式写住拔丝菠萝咕噜肉，一嚟到: 何来拔丝？咕噜肉好似啲僵尸肉咁，入边系硬嘅，真系无话可说
连个粟米鱼肚羹，都可以好稀，最基本嘅白饭，好似系琴日嘅隔夜饭，硬到有饭焦咁
未试过去一间大排档体验咁差，真系好后悔冇影低张相！到最后埋单见到$982，真系更加嬲！完全唔值呢个价钱，简直系贴钱买难受，今日系第二日，谂起呢餐饭真系好浪费食物，希望佢哋唔好浪费食材，改善一下厨艺，唔好令到食客失望！
自费的食客上。
张贴